Sørlandet

Velkomin til Suður-Noregs!

Er verið að íhuga ferðalag eða kannski námskeið og fyrirtækisskemmtun í hinum ljúfa Suður-Noregi? Við búum að rúmlega áratugar reynslu af ferða- og viðburðaþjónustu og þekkjum flestar víkur og sjávarkletta í Agder eins og handarbakið á okkur. Kannski er það ástæða þess að við höfum svo marga fasta og ánægða viðskiptavini hjá skrifstofunum okkar í Arendal og Kristiansand.

Ferð til eða frá Suður-Noregi? Við sjáum um það

Það er sama hvort um að er að ræða fyrirtæki, lýðháskóla eða íþróttafélag sem vill ferðast, við aðstoðum við allt frá skipulagningu til framkvæmdar. Verkefnisstjórar okkar búa að langri reynslu í ferðaþjónustu og þekkja allar perlurnar og ævintýrin sem stuðla að ógleymanlegri ferð.

Við getum annast allt frá bókun flugmiða, hótela og veitingastaða til dagskrárgerðar, skoðunarferða og annarrar virkni og allt er gert í nánu samráði við þig og fylgdarfólk þitt!

Námsstefna, ráðstefna eða viðburður í Suður-Noregi?

Ophelix getur aðstoðað þig bæði við að sérsníða viðburði í Suður-Noregi að þínum þörfum og hrinda þeim í framkvæmd. Við getum komið með fullt af góðum ábendingum, sama hvort þið ætlið að skipuleggja ráðstefnu, námsstefnu, árshátíð, kynningarátak eða einhvern annan viðburð. Við getum annast allt frá því að bóka húsnæði, fyrirlesara og afþreyingu til þess að sjá um matseðla, tæknibúnað og frágang, ekkert mál!

Sé þess óskað getum við svo auðvitað annast sjálfa framkvæmd viðburðarins. Þá getur þú sem samkomuhaldari bara hallað þér aftur á bak og slakað á.

Við kortleggjum alltaf verkið í heild sinni áður en skipulagning hefst

Markmið okkar er að búa til einstakar og eftirminnilegar upplifanir fyrir alla þátttakendur. Við leggjum jafnframt áherslu á að þú sem samkomuhaldari náir því markmiði sem þú hefur sett þér með ferðinni eða viðburðinum. Þess vegna vinnum við náið saman á undirbúningsstiginu og kynnum okkur ítarlega þarfir ykkar, óskir og væntingar svo fyrirkomulagið falli sem best að þeim.

Við gefum okkur alltaf góðan tíma til þess að fínstilla og lagfæra hvert einasta smáatriði svo allt verði eins og þið vilduð hafa það – og helst aðeins betra! Við setjum okkur nefnilega það markmið að skapa ógleymanlegar minningar!